യുവാവിനൊപ്പം ഭാര്യയും കുട്ടിയും ഉണ്ടായിരുന്നത് പോലീസുകാരെ ഞെട്ടിച്ചു. പിടിച്ചെടുത്ത സ്കൂട്ടർ കൈമാറിയില്ലെങ്കിൽ ഉടൻ തീയിടുമെന്ന് യുവാവ് പറഞ്ഞുകൊണ്ടിരുന്നു.
ഇന്നലെ വൈകുന്നേരമാണ് പോലീസുകാരെ തീ തീറ്റിച്ച സംഭവം അരങ്ങേറിയത്. അയൽവാസിയുടെ പരാതിയെ തുടർന്ന് പോലീസ് രാവിലെ യുവാവിന്റെ വീട്ടിലെത്തി. ഇയാൾ മാരകായുധവുമായി വീട്ടിലെത്തി ബഹളം വെച്ചതായി അയൽവാസി പരാതിപ്പെട്ടു. അന്വേഷണത്തിന് ശേഷം യുവാവിന്റെ സ്കൂട്ടർ പോലീസ് കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി. ഈ സ്കൂട്ടർ തിരികെ നൽകണമെന്നാവശ്യപ്പെട്ട് ആത്മഹത്യാ ഭീഷണിയുമായി സ്‌റ്റേഷനു മുന്നിലെത്തിയതാണ് യുവാവ്.
പോലീസുകാർ യുവാവിനെ അനുനയിപ്പിക്കാൻ ശ്രമിച്ചെങ്കിലും വിജയിച്ചില്ല. ഇതിനിടെ വിവരമറിഞ്ഞ് തിരുവല്ല ഡി.വൈ.എസ്.പി. അഗ്നിശമനസേനയെയും വിളിച്ചുവരുത്തി. അനുനയം തുടർന്നു. ഇതിനിടെ സ്കൂട്ടർ തിരികെ നൽകാമെന്ന് പൊലീസ് അറിയിച്ചു. ഇതിൽ യുവാവ് ഒന്ന് അയഞ്ഞു.
സ്കൂട്ടർ കൈമാറാമെന്ന് ഉദ്യോഗസ്ഥർ വീണ്ടും ഉറപ്പുനൽകിയതോടെ യുവാവ് ശാന്തനായി. ഇതിനിടെ യുവാവിന്റെ കയ്യിൽ നിന്ന് ലൈറ്റർ വാങ്ങി ദേഹത്ത് വെള്ളം ഒഴിക്കുകയായിരുന്നു പൊലീസ്. തുടർന്ന് സ്റ്റേഷനിലേക്ക് കൊണ്ടുപോയി ആശ്വാസവാക്കുകളും ഉപദേശങ്ങളും നൽകി. തുടർന്ന് സ്കൂട്ടർ തിരികെ നൽകി യുവാവിനെ വീട്ടിലേക്ക് അയച്ചു.
Tag:-kerala latest news | news updates | local news | Breaking news kerala | district news
