കോണ്ടം ഉപയോഗിക്കുമ്ബോള് വേദനയും പ്രകോപനവും ഉണ്ടെന്ന് പലരും പരാതിപ്പെടുന്നു. മിക്ക കോണ്ടങ്ങളും സുരക്ഷിതവും സുഖകരവുമാണെങ്കിലും, ചിലത് ലാറ്റക്സ് അലര്ജികള്, നോണ്ഓക്സിനോള്-9 എന്ന സംയുക്തത്തിന്റെ സാന്നിധ്യം അല്ലെങ്കില് ശരിയായ ലൂബ്രിക്കേഷൻ അഭാവം എന്നിവ കാരണം വേദനയോ അസ്വസ്ഥതയോ ഉണ്ടാക്കാം.
ചില സന്ദര്ഭങ്ങളില് ഈ പ്രശ്നങ്ങള് യീസ്റ്റ്, ബാക്ടീരിയ അണുബാധകള്ക്ക് കാരണമാകുമെന്നും വിദഗ്ധര് പറയുന്നു.
കുറഞ്ഞ ലൂബ്രിക്കേഷൻ അല്ലെങ്കില് യോനിയിലെ ഈര്പ്പം, അലര്ജികള്, തുടങ്ങിയവ വേദനയ്ക്ക് കാരണമാകും. പഴയതോ കാലഹരണപ്പെട്ടതോ ആയ കോണ്ടം ഉപയോഗിക്കുന്നതും വേദനയ്ക്ക് ഇടയാക്കും. എല്ലാ കോണ്ടങ്ങളും ഒരുപോലെ സുരക്ഷിതമല്ല. അതിനാല്, പ്രശസ്ത കമ്ബനികളുടെ കോണ്ടം ഉപയോഗിക്കാൻ അമേരിക്കൻ സെക്ഷ്വല് ഹെല്ത്ത് അസോസിയേഷൻ ശുപാര്ശ ചെയ്യുന്നു.
ചൂടുള്ള സ്ഥലങ്ങളില് ഒരിക്കലും കോണ്ടം സൂക്ഷിക്കരുത്. ജനാലകള്ക്കരികിലോ സൂര്യപ്രകാശം നേരിട്ട് ഏല്ക്കുന്ന മറ്റ് സ്ഥലങ്ങളിലോ സൂക്ഷിക്കുന്നത് ഒഴിവാക്കുക. മിതമായ തണുപ്പുള്ള സ്ഥലത്ത് സൂക്ഷിക്കുന്നതാണ് നല്ലത്. ലൈംഗികവേളയില് കോണ്ടം ഉപയോഗിക്കുമ്ബോള് കേടുപാടുകള് ഉണ്ടോയെന്ന് പരിശോധിക്കാൻ മിക്ക പുരുഷന്മാരും മറക്കുന്നു. ഗര്ഭനിരോധന ഉറകളില് ചിലപ്പോള് ചെറിയ ദ്വാരങ്ങള് ഉണ്ടാകാം. ഇത് ഗര്ഭധാരണ സാധ്യത വര്ദ്ധിപ്പിക്കുകയും ലൈംഗികമായി പകരുന്ന രോഗങ്ങളുടെ സാധ്യത വര്ദ്ധിപ്പിക്കുകയും ചെയ്യുന്നു.
എല്ലാ പുരുഷന്മാരും സാധാരണ വലിപ്പത്തിലുള്ള കോണ്ടം ഉപയോഗിക്കുന്നു. എന്നാല് ശരിയായ വലിപ്പത്തിലുള്ള കോണ്ടം തിരഞ്ഞെടുക്കേണ്ടത് പ്രധാനമാണ്. കോണ്ടം വളരെ ചെറുതോ വലുതോ ആയിരിക്കരുത്.