പുതുച്ചേരിയിലെ പൊതുമരാമത്ത് വകുപ്പില്‍ ജൂനിയർ എൻജിനീയർ (സിവില്‍), ഓവർസിയർ തസ്തികകളിലേക്ക് അപേക്ഷ ക്ഷണിച്ചു

 

പുതുച്ചേരിയിലെ പൊതുമരാമത്ത് വകുപ്പില്‍ ജൂനിയർ എൻജിനീയർ (സിവില്‍), ഓവർസിയർ തസ്തികകളിലേക്ക് അപേക്ഷ ക്ഷണിച്ചു.

168 ഒഴിവുണ്ട്. അപേക്ഷകർ പുതുച്ചേരി കേന്ദ്രഭരണപ്രദേശത്തിന്റെ ഭാഗമായ സ്ഥലങ്ങളില്‍ ജനിച്ചവരോ കുറഞ്ഞത് കഴിഞ്ഞ അഞ്ചുവർഷമെങ്കിലും സ്ഥിരതാമസക്കാരോ ആയിരിക്കണം.

ജൂനിയർ എൻജിനീയർ (സിവില്‍): ഒഴിവ്- 99. യോഗ്യത: സിവില്‍ എൻജിനീയറിങ് ഡിപ്ലോമ/ സിവില്‍ എൻജിനീയറിങ് ബിരുദം (എ.എം.ഐ.ഇ.യില്‍ 31.05.2013 വരെ എന്റോള്‍ ചെയ്തവരായിരിക്കണം). പ്രായം: 30 കവിയരുത് 

ഓവർസിയർ: ഒഴിവ്- 69. യോഗ്യത: സിവില്‍ എൻജിനീയറിങ്ങില്‍ ത്രിവത്സര ഡിപ്ലോമ.

പ്രായം: 30 കവിയരുത് ഉയർന്ന പ്രായപരിധിയില്‍ ഒ.ബി.സി./ബി.സി.എം./ഇ.ബി.സി./എം.ബി.സി. വിഭാഗക്കാർക്ക് മൂന്നുവർഷത്തെയും എസ്.സി., എസ്.ടി. വിഭാഗക്കാർക്ക് അഞ്ചുവർഷത്തെയും ഭിന്നശേഷിക്കാർക്ക് 10 വർഷത്തെയും (ഒ.ബി.സി.- 13, എസ്.സി., എസ്.ടി.- 15) ഇളവ് ലഭിക്കും. വിമുക്തഭടൻമാർക്ക് സേവനകാലാവധിക്കൊപ്പം മൂന്നുവർഷത്തെയും ഗവണ്‍മെന്റ് സർവീസിലുള്ളവർക്ക് അഞ്ചുവർഷത്തെയും ഇളവുണ്ട്. 

പരീക്ഷ: എഴുത്തുപരീക്ഷയുടെ അടിസ്ഥാനത്തിലായിരിക്കും തിരഞ്ഞെടുപ്പ്. ഡിപ്ലോമ നിലവാരത്തിലായിരിക്കും ചോദ്യങ്ങള്‍. രണ്ടുമണിക്കൂർ ദൈർഘ്യമുള്ള പരീക്ഷയ്ക്ക് ഒബ്ജക്ടീവ് മാതൃകയിലുള്ള 100 ചോദ്യങ്ങളാണുണ്ടാവുക. 

അപേക്ഷ: ഓണ്‍ലൈനായി അപേക്ഷിക്കണം. അവസാന തീയതി: ഓഗസ്റ്റ് 31 വൈകീട്ട് 5 വരെ. വിശദവിവരങ്ങള്‍ക്കുള്ള വെബ്സൈറ്റ്: https://pwd.py.gov.in/notification

ഓൺലൈൻ വാർത്തകൾ വാട്സാപ്പ് ഗ്രൂപ്പിലും ലഭ്യമാണ്.  ഇന്ത്യ ലേറ്റസ്റ്റ് ഡോട്ട് ഇൻഫോയുടെ വാർത്ത വാട്സ്ആപ് ഗ്രുപ്പായ മലയാളി സ്പിക്ക്സിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക