മഹാരാഷ്ട്രയില്‍ പിറന്നാള്‍ ദിനത്തില്‍ അമ്മ മൊബൈല്‍ ഫോണ്‍ വാങ്ങി നല്‍കാൻ വിസമ്മതിച്ചതില്‍ മനംനൊന്ത് 15 വയസുകാരൻ ആത്മഹത്യ ചെയ്തു.
ശനിയാഴ്ച രാത്രിയോടെ മിറാജ് നഗരത്തിലാണ് സംഭവം.
അമ്മയും സഹോദരിയും ഉറങ്ങിക്കിടക്കുന്ന സമയത്താണ് വിശ്വജീത് രമേഷ് വീട്ടില്‍ തൂങ്ങി മരിച്ചത്. രണ്ട് ദിവസം മുമ്ബാണ് വിശ്വജീത് പിറന്നാള്‍ ആഘോഷിച്ചതെന്നും അമ്മയോട് മൊബൈല്‍ ഫോണ്‍ ആവശ്യപ്പെട്ടിരുന്നുവെന്നും ഉദ്യോഗസ്ഥർ പറഞ്ഞു.
ചില സാമ്ബത്തിക പ്രശ്‌നങ്ങള്‍ കാരണം അമ്മ അപേക്ഷ നിരസിച്ചു. അടുത്ത ദിവസം വീട്ടുക്കാർ വിശ്വജീത്തിനെ വീട്ടില്‍ തൂങ്ങിമരിച്ച നിലയിലാണ് കണ്ടത്. സംഭവത്തില്‍ കൂടുതല്‍ അന്വേഷണം നടന്നുവരികയാണ്.
