യുപിഐയുടെ സ്വീകാര്യത രാജ്യത്ത് വൻതോതിലാണ് വർദ്ധിക്കുന്നത്. 2023-24 സാമ്ബത്തിക വ‍ർഷത്തില്‍ ആദ്യമായി യുപിഐ ഇടപാടുകളുള്ള എണ്ണം 100 ബില്യൻ കടന്ന് 131 ബല്യനിലെത്തിയിരുന്നു. എന്നാല്‍ ചില സാഹചര്യങ്ങളില്‍ യുപിഐ തിരിച്ചടി നല്‍കാറുണ്ട് ബാങ്ക് സെർവറുകളില്‍ പ്രശ്നം, സാങ്കേതിക തകരാറുകള്‍ അല്ലെങ്കില്‍ അനധികൃത ഇടപാടുകള്‍ എന്നിവ പോലുള്ള പ്രശ്നങ്ങള്‍ നേരിട്ടേക്കാം. ഈ പ്രശ്നങ്ങള്‍ പരിഹരിക്കുന്നതിന് എന്തുചെയ്യും?
യുപിഐ ഇടപാടിനിടെ ഏതെങ്കിലും തരത്തിലുള്ള പ്രശനങ്ങള്‍ അഭിമുകീകരിക്കുകയാണെങ്കില്‍ ഉപയോക്തക്കക്ക് നാഷണല്‍ പേയ്‌മെൻ്റ് കോർപ്പറേഷൻ ഓഫ് ഇന്ത്യയില്‍ (എൻപിസിഐ) പരാതി നല്‍കാം.
പരാതി നല്‍കാനുള്ള ഘട്ടങ്ങള്‍ ഇവയാണ്
* എൻപിസിഐയുടെ ഔദ്യോഗിക വെബ്സൈറ്റ് സന്ദർശിച്ച്‌ യുപിഐ എന്ന വിഭാഗം തെരഞ്ഞെടുക്കുക. അതില്‍ 'തർക്ക പരിഹാര സംവിധാനം' എന്നതില്‍ ക്ലിക്ക് ചെയ്യുക.
* 'പരാതി' വിഭാഗത്തിന് കീഴിലുള്ള 'ഇടപാട്' ഓപ്ഷൻ തുറക്കുക.
* പരാതി അനുസരിച്ച്‌ 'ഇടപാടിൻ്റെ സ്വഭാവം' തിരഞ്ഞെടുക്കുക
* അക്കൗണ്ടിലേക്ക് തെറ്റായി പണം ട്രാൻസ്ഫർ ചെയ്തു എന്ന ഓപ്ഷൻ തെരഞ്ഞെടുത്ത് പ്രശ്‌നത്തിൻ്റെ ഒരു ഹ്രസ്വ വിവരണം നല്‍കുക.
* ഇടപാട് ഐഡി, ബാങ്കിൻ്റെ പേര്, യുപിഐ ഐഡി, തുക, ഇടപാട് തീയതി, ഇമെയില്‍ ഐഡി എന്നിവ നല്‍കുക.
* രജിസ്റ്റർ ചെയ്ത മൊബൈല്‍ നമ്ബർ നല്‍കുക. കൂടെ, ബാങ്ക് അക്കൗണ്ട് സ്റ്റേറ്റ്‌മെൻ്റിൻ്റെ ഫോട്ടോ അപ്‌ലോഡ്
ചെയ്യുകയും ചെയ്യുക.
* നല്‍കിയ എല്ലാ വിശദാംശങ്ങളും കൃത്യമാണെന്ന് ഉറപ്പാക്കുക.
ഈ ഘട്ടങ്ങള്‍ പാലിക്കുന്നതിലൂടെ, നിങ്ങള്‍ക്ക് യുപിഐ ഇടപാട് പ്രശ്നങ്ങള്‍ ഫലപ്രദമായി പരിഹരിക്കാൻ കഴിയും
