ബോവിക്കാനം എരിഞ്ഞിപ്പുഴയില്‍ രണ്ട് വിദ്യാർഥികള്‍ മുങ്ങിമരിച്ചു. എരിഞ്ഞിപ്പുഴ സ്വദേശി സിദ്ദീഖിന്റെ മകൻ റിയാസ് (17), അഷ്‌റഫിന്റെ മകൻ യാസിൻ (13) എന്നിവരാണ് മരിച്ചത്.
കാണാതായ കാണാതായ സമദ് എന്ന വിദ്യാർഥിക്കായി തിരച്ചില്‍ തുടരുകയാണ്.
സിദ്ദീഖും അഷ്‌റഫും സഹോദരൻമാരാണ്. ഇവരുടെ സഹോദരിയുടെ മകനാണ് സമദ്. തറവാട് വീട്ടില്‍ എത്തിയ ഇവർ പുഴയില്‍ കുളിക്കാൻ ഇറങ്ങുകയായിരുന്നു. ഒരാള്‍ അപകടത്തില്‍പ്പെട്ടപ്പോള്‍ രക്ഷപ്പെടുത്താനുള്ള ശ്രമത്തിനിടെയാണ് മറ്റു രണ്ടുപേർ ഒഴുക്കില്‍പ്പെട്ടത്. മുങ്ങല്‍ വിദഗ്ധരുടെയും അഗ്നിരക്ഷാ സേനയുടെയും നേതൃത്വത്തില്‍ തിരച്ചില്‍ തുടരുകയാണ്.
അപകടം നടന്ന സ്ഥലത്തോട് ചേർന്ന് തന്നെയാണ് രണ്ട് കുട്ടികളുടെയും മൃതദേഹം കണ്ടെത്തിയത്. കുട്ടികള്‍ക്ക് നീന്തല്‍ അറിയാമെന്നാണ് ബന്ധുക്കള്‍ പറയുന്നത്. ശക്തമായ അടിയൊഴുക്കാണ് അപകടത്തിന് കാരണമെന്നാണ് പ്രാഥമിക നിഗമനം.
