ലോകമെമ്ബാടുമുള്ള കമിതാക്കള്‍ ഏറെ ആകാംക്ഷയോടെ കാത്തിരിക്കുന്ന ദിനമാണ് വാലെന്റൈൻസ് ഡേ . പരസ്പരം സ്നേഹം പങ്കിട്ടും ഒന്നിച്ചു സമയം ചിലവഴിച്ചു സമ്മാനങ്ങള്‍ വാങ്ങി നല്‍കിയുമാണ് ഭൂരിഭാഗപേരും ഈ ദിനം ആഘോഷമാക്കുന്നത്.
എന്നാല്‍ ഇന്ത്യയുടെ പലഭാഗത്തും വിവാഹത്തിന് മുൻപുള്ള പ്രണയം എന്ന ആശയം അധികം ആരും അംഗീകരിച്ചിട്ടില്ലാത്തതുകൊണ്ട് തന്നെ വാലെന്റൈൻസ് ഡേയ്ക്ക് ഇന്ത്യയില്‍, പ്രത്യേകിച്ച്‌ യുവാക്കള്‍ക്കിടയില്‍ ഒരു പ്രത്യേക ആവേശമുണ്ട്. കാരണം മറ്റു സമയങ്ങളില്‍ കാണാൻ കഴിയാത്തതുകൊണ്ട് തന്നെ പല യുവ പ്രേമികളും അവരുടെ വികാരങ്ങള്‍ പ്രകടിപ്പിക്കാൻ ഈ ദിനം കണ്ടെത്തുന്നു. അവരുടെ പങ്കാളികളെ രഹസ്യമായി കണ്ടുമുട്ടുകയും അല്ലെങ്കില്‍ സമ്മാനങ്ങള്‍ കൈമാറുകയും ചെയ്യുന്നത് ഈ ദിനത്തിലാണ്.
എന്നിരുന്നാലും, എല്ലാ രഹസ്യ മീറ്റിംഗുകളും ആസൂത്രണം ചെയ്തതുപോലെ നടക്കണമെന്നില്ല -ചിലപ്പോള്‍, കുടുംബാംഗങ്ങളാല്‍ പിടിക്കപ്പെട്ടെന്നുവരും.. ഇത്തരം നിമിഷങ്ങള്‍ രസകരമോ അല്ലെങ്കില്‍ ഞെട്ടിപ്പിക്കുന്നതോ ആയ സംഭവങ്ങള്‍ക്ക് വഴിത്തിരിവായെന്നു വരാം.
ഏതായാലും അത്തരത്തിലുള്ള ഒരു വൈറല്‍ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്. എക്സില്‍ വൈറലായ വീഡിയോയില്‍ വീടിന്റെ ടെറസ്സിന് മുകളില്‍ വെച്ച്‌ ഒരു പെണ്‍കുട്ടിയെ അവളുടെ കാമുകനോടപ്പം കയ്യോടെ അമ്മ പിടികൂടുകയും തുടർന്ന് ഇരുവരെയും ചെരുപ്പിനടിക്കുകയും ചെയ്യുന്നതിന്റെ ദൃശ്യങ്ങളാണിത്. വീഡിയോ കണ്ട് പലരും പൊട്ടിച്ചിരിച്ചു.
"ഘർ കേ കലേഷ്" എന്ന എക്സ് അക്കൗണ്ടിലൂടെയാണ് വൈറല്‍ വീഡിയോ പങ്കുവെച്ചിരിക്കുന്നത്. "വാലെന്റൈൻസ് ദിനത്തില്‍ തന്റെ മകളെ കാമുകനൊപ്പം പിടിക്കുന്നതിലുള്ള അമ്മയുടെ രോഷം " എന്നു കുറിച്ചുകൊണ്ടാണ് വീഡിയോ പങ്കുവെച്ചിരിക്കുന്നത്.
Kaash! is chatt par bhi ye poster lga hota😬#Valentinesday https://t.co/ZhsicvX6UU pic.twitter.com/ff1pqg9hXX
വീഡിയോയുടെ തുടക്കത്തില്‍ പെണ്‍കുട്ടി ടെറസ്സിന്റെ മുകളില്‍ ആകെ പരിഭ്രാന്തിയിലായി നില്‍ക്കുന്നതാണ് കാണുന്നത്. തൊട്ടടുത്ത് പെണ്‍കുട്ടിയുടെ അമ്മ ആരെയോ തിരയുന്ന പോലെ സംശയത്തോടെ ചുറ്റും നോക്കുന്നത് കാണാം. നിമിഷങ്ങള്‍ക്കുശേഷം, അമ്മ സമീപത്ത് മറഞ്ഞിരിക്കുന്ന ഒരു ആണ്‍കുട്ടിയെ വലിച്ചിറക്കുകയും ,കാലിലെ ചെരുപ്പൂരി ആണ്‍കുട്ടിയെ അടിക്കുന്നതും അവൻ ഓടി രക്ഷപ്പെടുന്നതുമാണ് കാണുന്നത്. കാമുകൻ രക്ഷപ്പെട്ടയുടനെ, അമ്മ തന്റെ ദേഷ്യം മകള്‍ക്ക് നേരെ തിരിക്കുന്നു, അവളെയും ചെരിപ്പുകൊണ്ട് അമ്മ അടിക്കുന്നതാണ് തുടർന്ന് കാണുന്നത്.
